Ці даплюне?

[galinaed]

Сяброўка расказала, як яна некалісь ішла побач будынку на Карла Маркса 38. Нешта задумалася дый загледзелася на той будынак. Калі хто ня ведае, там месьціцца рэзыдэнцыя так званага прэзыдэнта, і глядзець на той будынак ня тое што забаронена, але прыпыняцца побач яго катэгарычна "не рэкамэндуецца". А фатаграфаваць дык увогуле нельга. Як ні дзіўна. Бо ў іншых краінах сьвету ў рэзыдэнцыі прэзыдэнтаў нават ладзяць экскурсіі. Але ж мы ня там, мы тут... Дык вось, падскочыў да маёй сяброўкі міліцыянэр дый загадаў, каб яна ня бавілася ў гэтым месцы і як найхутчэй паскорыла сваю хаду. Дык яна не задумваючыся і адказвае: "А што, вы думаеце, я здолею даплюнуць туды?". Бо ніякай фотакамэры ў яе не было. Міліцыянт ажно вочы вылупіў, аднак неўзабаве завучана, хоць і трохі зьбянтэжана, прамовіў: "Праходзьце хутчэй!".

Comments

[lianina-minsk.livejournal.com]

Між іншым, пра макеты аўтазакаў - цікавая мысля.. Трэба некалькі такіх мець і апазіцыянерам, калі што, дык некалькі 10-ў грамадзян вывезці з месца і высадзіць, каб чынна маглі вярнуцца...

Пытанне: А што мне рабіць з фотаздымкамі прэзыдэнцкага палацу, якія я зрабіла да 2015 года?..

[galinaeditor.livejournal.com]

Кхе, дык куды глядзелі ратавальнікі парадку, што яны не здолелі ўгледзець, як недасьведчаная шпіёнка рабіла забароненыя здымкі? Гэтак жа і міну можна прыцягнуць і ўзарваць палац!

Пытаешь, што цяпер рабіць? Нашпігоўваць фатаздымкі мінамі!

[lianina-minsk.livejournal.com]

Дык, калі здымала, яшчэ не было той пастановы...
А мо папляваць на іх, ці проста падпаліць?.. Накшталт магічных дзеянняў пастановы яшчэ няма...