galinaed: (поні !!!)
Сяброўка расказала, як яна некалісь ішла побач будынку на Карла Маркса 38. Нешта задумалася дый загледзелася на той будынак. Калі хто ня ведае, там месьціцца рэзыдэнцыя так званага прэзыдэнта, і глядзець на той будынак ня тое што забаронена, але прыпыняцца побач яго катэгарычна "не рэкамэндуецца". А фатаграфаваць дык увогуле нельга. Як ні дзіўна. Бо ў іншых краінах сьвету ў рэзыдэнцыі прэзыдэнтаў нават ладзяць экскурсіі. Але ж мы ня там, мы тут... Дык вось, падскочыў да маёй сяброўкі міліцыянэр дый загадаў, каб яна ня бавілася ў гэтым месцы і як найхутчэй паскорыла сваю хаду. Дык яна не задумваючыся і адказвае: "А што, вы думаеце, я здолею даплюнуць туды?". Бо ніякай фотакамэры ў яе не было. Міліцыянт ажно вочы вылупіў, аднак неўзабаве завучана, хоць і трохі зьбянтэжана, прамовіў: "Праходзьце хутчэй!".

galinaed: (поні !!!)

– А сколько сейчас на территории Беларуси находится российских войск?
– Сейчас там две радиолокационные базы и несколько авиабаз, на которых размещены пять эскадрилий самолетов.

І гэта толькі тое, што агульнавядома. А колькі шчэ тых, што называюцца "их там нет"...
Мне не зразумець пазыцыі тых людзей, хто сьцьвярджае, што Лукашэнка гэта гарант незалежнасьці.
З таго самага інтэрвію: "почти вся белорусская экономика либо напрямую, либо косвенно принадлежит Путину или его приближенным олигархам".

Ці ўзяць хаця бы гэтыя факты:

В этом году в минском параде 9 мая примет участие рекордное количество (более 250 единиц) боевой техники из России: танки Т-90, БТР-80, шесть зенитных ракетно-пушечных комплексов «Панцирь-С1», БМП-3, БМД-3, машины повышенной проходимости для воздушно-десантных войск «Тигр», артиллерийская система «Мста-Б», российские истребители СУ-34.

Что касается ЗРПК «Панцирь-С1», то, как заявило Минобороны России, личный состав и военная техника Войск воздушно-комической обороны РФ впервые принимают участие в военном параде в белорусской столице.

Помимо боевой техники, 9 мая в Минск прибудут более 300 российских военнослужащих — десантники, зенитчики, танкисты...

Таким образом, из 24 парадных расчетов почти треть (семь) будут представлены российскими военными. Фактически Путин демонстрирует, что Минск находится под его полным контролем.

galinaed: (твар)
Вось жа халера! У наступным, 2015 годзе я мушу аддаць міжнародным фінансавым фондам, іншым краінам і замежным банкам ажно 422 даляры.
І вы таксама мусіце аддаць 422 даляры! Кожны!
Дзякуй нашым кіраўнікам, яны павесілі на кожнага беларуса па 1361 даляры аддаць невядома куды, дзе мы не пазычалі.
galinaed: (Default)
Ёсьць адзін абсяг жыцьця, у якім беларусам безумоўна пашанцавала. Вось кажуць, што каб пазнаць чалавека, трэба зьесьці зь ім не адзін пуд солі. І сапраўды, часам людзі бываюць такія хітрыя, што цяжка спазнаць іхную сапраўдную сутнасьць.
Пуды солі? Беларусам ужо 17 гадоў ня трэба ніякай солі! Дастаткова высьветліць погляды чалавека па адным-адзіным пытаньні - і ўсё становіцца зразумелым. Бо ня можа чалавек быць з аднаго боку разумным, а зь іншага - дурнем, з аднаго - чэсным і прынцыповым, а зь іншага - прыстасаванцам. Я 17 гадоў карыстаюся гэтым простым спосабам, і ніводнага разу ён мяне не падвёў.

Згадваю, як (быў дзесьці 1997 год) адна новая знаёмая здавалася мне вельмі добрай і цудоўнай жанчынай. Але - давярай, ды правярай. І я вырашыла праверыць гэтую цудоўную жанчыну сваім простым спосабам. Часу на правядзеньне тэсту ў мяне было няшмат, таму я задала пытаньне ў лоб. Пачуўшы адказ, я сказала, што не магу пагадзіцца зь ейным меркаваньнем, я думаю інакш. Што тут здарылася з маёй суразмоўніцай! Яшчэ дзьве хвіліны назад такая добрая, што хоць да раны прыкладай, яна стала крычэць на мяне і на вачах ператварылася ў вар'ятку... Так лёгка аказалася раскусіць чалавека! (і гэта добра.)

А напісаць гэтыя развагі падштурхнуў зусім нядаўні выпадак. Адзін дзяцюк, які лічыўся цалкам прыстойным, зрабіў вельмі шкодны ўчынак. "Ах, ніхто не чакаў!" - з такімі словамі падыходзілі да мяне і пыталіся, адкуль я знала, што гэтаму чалавеку нельга давяраць і зь ім трэба быць асьцярожнымі. Бо я папярэджвала! Адкуль я знала? 12 красавіка ўсе толькі і гаварылі пра тэракт. Наш "прыстойны" кінуў услых свае меркаваньні, што гэта зрабіла апазыцыя. Гэтага было дастаткова, каб зрабіць высновы. Цяпер, пасьля ганебнага ўчынку гэтага "прыстойнага" дзяцюка, давялося патлумачыць: "Калі чалавек дурань, ён дурань ва ўсім".
galinaed: (аўтобус)
Во як бывае! Гэта ж трэба такому здарыцца - я пасварылася зь сяброўкай праз палітыку! Дакладней, я зь ёю не сварылася, але яна на мяне вельмі моцна ўсердзіла за тое, што я назвала частку беларусаў... быдлам, - і цяпер ня хоча са мною размаўляць, пакуль я не папрашу прабачэньня за гэтую абразу. Я б папрасіла, мне няцяжка, аднак гэта будзе азначаць, што я назвала частку беларусаў быдлам памылкова, не падумаўшы.
Так, трэба падумаць... Ай, ну хіба я ня маю рацыі, калі кажу, што няма сэнсу прасьвячаць насельніцтва, бо яно было і будзе "цёмным, сьляпым, быццам крот"? У каго ёсьць розум - той ужо і так усё зразумеў, а ў каго розуму няма - тым свой розум ня ўставіш, толькі час змарнуеш.
Успамінаю, як адна мая знаёмая сказала мне  ў 2002 годзе: "Ты мне пра Лукашэнку нічога дрэннага не кажы - любіла, люблю і любіць буду!" Тады яна лічыла, што "любіць будзе", а ўжо ў 2006 сама выказалася пра свайго "любімца" з агідаю, што занадта ён заседзеўся на троне, ужо брыдка глядзець, як ён учапіўся за ўладу. Ну дык калі ў гэтай знаёмай трохі было глуздоў, дык яна сама зрабіла высновы, ніхто ёй "нічога дрэннага" не казаў, як яна і прасіла.
Але колькі вакол такіх, каторыя шчасьлівыя ўжо таму, што не галадаюць і няма вайны! Ім жа кажы што заўгодна - яны ўсё роўна будуць радавацца такому свайму шчасьцю. Ну і няхай радуюцца, навошта людзям псаваць маліну?
Ну дапусьцім, ты змагла пераканаць, напрыклад, сваю цётку, што ейны "любімец" - нягодны чалавек, які мусіць сысьці. І што? Цётка пойдзе на плошчу дамагацца, каб ён сышоў? Во калі б у нас былі выбары, а ня фарс, тады быў бы сэнс "адукоўваць" і гэтую цётку, і дзядзьку, і тысячы іншых, падобных ім - каб яны прагаласавалі супраць узурпатара. Але ж на тое ён і узурпатар, што выбараў ужо няма, і таму "хаджэньне ў народ" страціла ўсялякі сэнс. Трэба шукаць іншых шляхоў. Якіх? Я ня ведаю, і ня варта мяне ў гэтым вінаваціць. Але што за лёгіка ў сяброўкі: калі іншых шляхоў я не магу прапанаваць, дык трэба "адукоўваць" гэтых  "кратоў"... Не, тады я сказала не "кратоў", гэта толькі цяпер мне прыйшоў на памяць радок з Багдановічавага вершу, а тады я сказала - "быдла": "Ня бачу сэнсу пераконваць быдла, ім дастаткова чаркі і скваркі - хай гэтым і цешацца".
І, бачыш ты, такім чынам я абразіла ўвесь беларускі народ! Ды не, тых, хто пратэстуе супраць дыктатуры, і нават тых, хто моўчкі ненавідзіць дыктатара, я ніколі быдлам не назаву! І дарэчы, нельга разьлічваць на нейкія рэальныя дзеяньні ад усіх, хто супраць дыктатуры, гэта вялікая памылка - чакаць геройства і самаахвярнасьці ад усіх запар. Нават калі хтосьці супраць гэтага рэжыму - зусім ня факт, што гэты чалавек гатовы штосьці зрабіць, каб скінуць рэжым. Так што - прасьвячай, не прасьвячай, вынік адзін...
Я бачыла шмат такіх, каго прасьвячаць ня трэба, яны самі даўно ўсё зразумелі і гатовыя на рэальныя дзеяньні. Вось яны - сіла, але ці зможа хто правільна зарганізаваць гэтую сілу, каб яна стала дзейснаю?

January 2017

S M T W T F S
1234567
891011121314
15161718192021
22232425262728
293031    

Syndicate

RSS Atom

Style Credit

Expand Cut Tags

No cut tags
Page generated Sep. 24th, 2017 12:22 pm
Powered by Dreamwidth Studios